కాల గమనాలు.. పరిస్థితులు.. ఎప్పటికప్పుడు నన్ను నేను మరింత లోతుగా పరిశీలించుకునే అవకాశాలు అందించాయి.
నా అనుభూతులను.. నా ఆలోచనలను.. స్వయంగా వ్యక్తీకరించుకునే అవకాశాలు నాకు నాలో రచయిత అందించాడు.
1975 నుండి 2025 వరకు.. ఈ 50 సంవత్సరాల నా రచనా ప్రయాణంలో ప్రతి మారు నా రచనలపై.. నా రచనల పాఠక ప్రతి ఆస్వాదన.. నాలో రచయితకు ఊతమయ్యాయి.
నా రచనలు.. నా రచనల పాఠక మనసులో స్థానం పొందిన ప్రతి క్షణం.. నాలోని రచయితలో మరియు నా వ్యక్తిగత బ్రతుకులో అపురూపమైనది.
నా రచనలు చదువుతూ.. స్పందిస్తూ.. నా రచనల పాఠక చూపిన ప్రతి ఆదరణ.. నాలో రచయితకు ఎంతో ప్రేరణను.. బాధ్యతను కలిగించాయి.
నా రచనలలో.. నా అనుభవాలు.. నా పరిశీలనలు.. నా భావోద్వేగాలు దొర్లినా.. నా రచనలు.. జీవితపు సత్యాలను.. మానవీయ విలువలను.. మానవ సంబంధాల సున్నితత్వాలను.. ఆశలూ ఆవేశాల మధ్య నడిచే మనుషుల జీవన పోరాటాలను లక్ష్యంగా చేసుకుంటూ సాగాయి.
నా రచనలన్నీ.. నా మది స్పందనలు.. నేను చూసిన జీవిత అలలు.. నేను అనుభవించిన అనుభవాలు.. నా చుట్టూ ఉన్న వారి పోకడలు ఆసరాగానే రూపొందాయి.
ఇలా సాగిన నా ప్రతి రచన వెనుక.. ఒక నిర్దిష్ట ఆలోచన.. ఒక నిమ్మళమైన సందేశం తో పాటు సంఘ జీవనాన్ని ఆలోచింపజేసే ప్రయత్నమూ ఉంది.
నా రచన.. నా రచన పాఠక మనసును తాకితే.. అది నాలోని రచయితకు గెలుపు. ఆ గెలుపు నా రచన పాఠక అందించిన అభిమానం అని.. నేను వ్యక్తిగతంగా వినమ్రతతో ఒప్పుకుంటున్నాను.
నా తొలి రచన - పేద బ్రతుకులు (కథ) - లగాయతు.. నా తుది రచన - సహచరము (కథ) వరకు.. చెప్పదలచినవన్నీ / చెప్పవలసినవన్నీ నాలోని రచయిత ద్వారా చెప్పేసిన అనుభూతి నాకు కలిగింది.
స్పందన.. సత్తువ.. దృక్కోణము లాంటి ఎంతటివైనా.. కాలం తన గమనంలో మారుస్తూ ముందుకు పోతుంటుంది కదా. ఆ తోవన.. నా మనస్సు మౌనం కోరుకుంటోంది.. నాలోని రచయిత నిశ్శబ్దం ఆశిస్తున్నాడు.
ఈ నిర్ణయం తేలిక కాదు.. ఐనా అలిసిన నాలోని ఇన్నాళ్ల రచయితకు తను ఆశిస్తున్న నిశ్శబ్దంని అందించడమే నా వ్యక్తిగత విధేయముగా భావిస్తున్నాను.
ఇక మీదట కూడా.. నాలోని రచయిత.. నా పేరు (బివిడి ప్రసాద రావు) న.. నెఱపిన రచనలన్నీ - నికరముగా క్రోడీకరణ ఐ ఉన్న.. బివిడి ప్రసాద రావు బ్లాగు (bvdprasadarao-pvp.blogspot.com) మరియు బివిడి ప్రసాద రావు వ్లాగు (youtube.com/బివిడిప్రసాదరావు) ల ద్వారా - నా రచనల పాఠకుల మతుల్లో అడపాతడపా మెదులుతుంటాయని.. భవిష్య పాఠకుల చూపుల్లో మెసులుతుంటాయని.. నమ్రతగా నమ్ముతున్నాను.
ఈ సమయంన..
నాలోని రచయితకు..
నాలోని రచయిత.. వివిధ రచనా ప్రక్రియల్లో నాకు చేకూర్చిన పెట్టిన మొత్తం 1023 రచనలను.. పాఠకులకు చేరువ చేసిన ఆయా ప్రింట్ పత్రికల.. ఆయా ఎలక్ట్రానిక్ పత్రికల మరియు ఆయా వెబ్ సైట్ల.. నిర్వాహకులకు..
నాలోని రచయిత రచనల ప్రియమైన పాఠకులకు..
బాధ్యత్వముగా సదా నా ధన్యవాద స్నేహాంజలి.
మీ
